Hættum að vera í átaki!
Ég er með mastergráðu í því að því að fara í átak eða prufa einhvern kúr. Á móti er ég líka með fimm háskólagráður í því að klúðra því!
Ég fæ grænar bólur þegar orðin "átak" og "kúr" eru notuð í þeirri meiningu að reyna að vinna í sjálfum sér. Að mínu mati eigum við ekki að tímasetja það að vera betri útgáfa af sjálfum sér með einhverjum takmörkunum eins og að vera á kúr.... já
eða vera í átaki!
Við erum bara að vinna í því að komast nær markmiðum okkar, Við erum að vinna í því að skapa okkur lífsstíl. Við erum jú að taka okkur á en setjum það ekki í einhvern ramma sem átak eða kúr gefur okkur. Við tökum einn dag í einu og reynum að gera okkar allra besta. Verum hamingjusöm með lífið og allt það góða sem við erum að gera. Sleppum öllum töfra og skyndilausnum.